Hindi ako adik

Dear Dr. Love,

My name is Orlie, 17 anyos at dito sa lugar namin palakaibigan ako. I’m so friendly kaya ‘di ako namimili ng friends.

Pati ‘yung mga may bad reputation ay pinakikisamahan ko. Pero mas marami ang friends kong matitino.

Hindi nga lang ako sumasali sa masama nilang gawain like using drugs although may humimok na sa akin na mag-shabu. I always turned them down.

Maganda rin ang grades ko at may honor pa sa klase. May nililigawan ako pero binasted niya ako dahil adik daw ako. Ayaw niyang maniwala nang pabulaanan ko ito dahil ang tropa ko raw ay puro drug users.

Paano ko siya mako-convince na hindi ako adik?

Orlie

Dear Orlie,

May kasabihang birds of the same feather flock together. Although you are an exemption to the rule. Isang lesson sa iyo ‘yan.

Dapat marahil, may boundary ang friendship mo sa kanila. Kahit hindi ka nagdodroga, kung lagi mo silang kasama ay talagang mapagkakamalan kang gumagamit din.

Ang delikado ay baka magkaroon ng pagkakataon na sila ay arestuhin at kung kasama ka nila ay madamay ka?

Mas mabuting huwag makiumpok ng madalas at matagal sa kanila.

Dr. Love