Libreng kasalan

Dear Dr. Love,

Eight years na kaming nagsasama ng mister ko. Isa kami sa mga nabiyayaan ng libreng kasalan sa Maynila. Inaya lang kami ng aming baranggay chairman.

Akala ko nga hindi kami makakasama dahil ayaw pumayag ng mister ko.  Malaking pasalamat ko kay chairman dahil hindi siya tumigil kakakumbinsi sa mister ko.

Halos maluha na ako nung sineseminar na kami. Dahil damang-dama ko ang mga pangaral sa amin bilang mag-asawa. Ganun din ang mister ko. Natatawa lang siya sa mga maling pananaw niya sa kasal, na hindi lang ito pipirmahang papeles kundi pagpapala ng Diyos.

Glennie

Dear Glennie,

Congrats sa inyong dalawa. Ngayong dininig ni Lord ang prayers mo, unti-unti mo ring hikayatin ang mister mo na magsimba at gawing lifestyle ang pagpapasalamat sa Diyos.

DR. LOVE