Mansion honeymoon ayaw ni P-Noy

BAGUIO CITY ,Philippines —Walang plano si Pangulong Benigno Aquino IIII na gatimin bilang reception o honeymoon ang Mansion House sa lungsod na ito.

Sinabi ni Pangulong Aquino sa Malacañang reporters kamakalawa ng gabi matapos dumalo sa PMA graduation rites na ayaw niyang maging venue ng kanyang wedding reception o honeymoon ang Mansion House.

Aniya, ang dahilan kung bakit ayaw niyang maging venue ng kanyang reception o honeymoon ang Mansion House ay baka makilala pa ng kanyang magiging bride sa kanilang wedding day o honeymoon ang makasaysayang ninuno natin.

“Kayo ba handa kayong mag-honeymoon dito sa building na ito? Na kung saan baka makilala mo ang mga makasaysayang mga ninuno natin? Pero, ulit ha, hindi po nanggaling sa akin ‘yan. May mga nagkukwentuhan niyan. Pakitanong na lang po ‘yung mga nag-iisip at nag-iisip ‘nung mga ganyang pangyayari,” wika pa ni Aquino.

Magugunita na inamin ni P-Noy na lumalabas o nagdi-“date” sila ng Korean-Filipina news anchor ng GMA 7 na si Grace Lee.