Hostage victims may insurance benefits - LTFRB

MANILA, Philippines - Tatanggap ng insurance benefits mula sa Passenger Accident Management and Insurance Agency Inc (PAMI) ang mga naging biktima ng madugong hostage-taking sa Maynila nitong Lunes.

Ayon kay LTFRB Chairman Dante Lantin, ang tourist bus ay naka-insured sa PAMI at alinsunod sa patakaran dito, ang mga pasahero ng alinmang pampasaherong sasakyan na naka-insured sa naturang insurance company ay magbibigay ng benefits sa mga biktima.

Hinahanda na ng PAMI ang tseke para sa mga pamilya ng biktima ng namatay na pagkakalooban ng P60,000 kada pasahero at hospital expenses naman ang sasagutin ng mga pasahero ng bus na nasugatan sa insidente.

Nakikipag-ugnayan na ang PAMI sa Chinese Embassy para malaman kung kanino ibibigay ang financial assistance sa mga naulila ng mga biktima ng trahedya.