Malacañang dumistansiya, absolute pardon kay Jalosjos

MANILA, Philippines - Itinanggi ng Malaca­ñang na inaprubahan na ni Pangulong Arroyo ang hinihinging “absolute pardon” ni convicted child rapist at dating Zam­boanga del Norte Rep. Romeo Jalosjos.

Sinabi ni Press Secretary Cerge Remonde sa media briefing, walang nilalagdaan si Pangulong Arroyo na kautusan na nagkakaloob ng absolute pardon kay Jalosjos dahil ang magrerekomenda nito ay ang Board of Pardons and Parole at Department of Justice.

Ayon kay Re­monde, ministerial la­mang naman ang magi­ging papel ng tanggapan ng Pangulo dahil ang rekomendasyon ay mag­mumula sa DOJ kung nararapat bigyan ng absolute pardon si Jalosjos.

Nilinaw naman kaha­pon ni Acting Justice Sec. Agnes Devanadera na wala pang anumang ini­hahain si Jalosjos na humihiling na mabigyan ito ng absolute pardon.

Maging sa Board of Pardons and Parole ay wala pa ring natatanggap na application ng dating kongresista

Nakalaya si Jalosjos sa New Bilibid Prison matapos na aprubahan ng Office of the President ang kanyang conditional pardon subalit hiniling ni Jalosjos kamakailan na bigyan siya ng absolute pardon upang mabawi niya ang kanyang civil at political rights.

Ayon sa source, nag­paplano muling kumandi­dato si Jalosjos sa dara­ting na 2010 elections subalit magiging hadlang dito ang kawalan niya ng absolute pardon upang mabawi ang kanyang ka­rapatan na bumoto at mahalal. (Rudy Andal/Gemma Garcia)