GMA, pinahihingi ng 20,000 nurses quota kay Obama

MANILA, Philippines - Giniit kahapon ni Senate Minority Leader Aqui­lino Pimentel Jr. na dapat humirit ng 20,000 quota para sa mga Filipino nur­ses si Pangulong Gloria Arroyo kay US President Barack Obama sa pag­kikita nila.

Ayon kay Pimentel, nalaman niya sa kanyang pagdalaw sa Amerika na aabot sa 1 milyong nur­ses ang kakailanganin ng nasabing bansa pagsapit ng 2020.

Malaking bagay aniya kung hihirit ang Pangulo ng 20,000 na quota para sa mga Filipino nurses at huwag nang pahirapan ang mga ito pagdating sa pagkuha ng visa.

Nalaman din umano ni Pimentel na patuloy ang pangangailangan sa nur­ses ng bansang Ame­rika pero nahihirapan la­mang ang mga Pinoy nur­ses na makakuha kaagad ng visa.

Malaking tulong aniya para sa mga nurses natin kung maihahatid ni Pa­ngu­long Arroyo ang kani­lang mga hinaing sa gob­yerno ng Amerika parti­kular kay President Oba­ma. (Malou Escudero)