Babala kay Robin: 'Wag pasukin ang kuta ng Sayyaf!

Binalaan kahapon ni Defense Secretary Gil­berto Teodoro Jr. ang actor at tinaguriang “bad boy” ng pe­ likulang Pilipino na si Robin  Padilla na huwag mangahas na pasukin ang kuta ng mga kidnappers kaugnay ng isinasaga­wang negosasyon para sa pag­papalaya sa tatlong miyem­bro ng International Committee of the Red Cross (ICRC) na bihag ng bandi­dong Abu Sayyaf sa Sulu.

Ayon kay Teodoro, lub­hang delikado at hindi malayong pagtangkaan ding bihagin ng mga ban­dido si Padilla dahil mga halang umano ang kalu­luwa ng mga ito at wala ng sina­santo sa ngalan ng pera.

Si Padilla ay inimbita­han ng grupo ng paksyon ni Moro National Liberation Front (MNLF) Chairman Nur Misuari na tumulong sa negosasyon para sa pag­papalaya sa mga bihag na sina Swiss national An­dreas Notter, Italian national Euge­ nio Vagni at ang Pinay Engineer na si Marie Jean La­caba na kinidnap ng grupo ni Abu Sayyaf Commander Albader Pa­rad noong Enero 15 ng taong ito.

“It’s up to the Area Coordinating Center (ACC) headed by Sulu governor Abdusakur Tan, but I hope Robin rather not, it’s too risky,“ ani Teodoro sa pag­sasabing baka magdulot pa ng panibagong krisis kung tutunguhin ni Padilla ang kuta ng mga kidnappers .

Ipinahiwatig pa ng Ka­lihim na isang potensyal na target si Padilla at lubhang mapanganib kung su­suong ito sa kuta ng mga kidnappers tulad na la­mang ng minsan na nitong isinugal ang kanyang bu­hay noong Marso 2000 sa kaso ng mahigit 50 guro at estud­ yante na binihag ng Abu Sayyaf sa Claret School sa Sumisip, Ba­silan.

Sa kasalukuyan ay nananatili pa rin sa Zam­boanga City ang actor bilang paghahanda para maging negosyador sa agarang pagpapalaya sa mga hostages.

Puspusan umano ang pakikipagpulong ng MNLF kay Robin kung saan ma­ging si Nur Misuari ay nag­paramdam na rin ng ka­gustuhang makipagnego­sasyon.

Sa panig naman ni AFP Chief of  Staff Gen. Alexan­der Yano, sinabi nito na kung siya ang tatanungin ay mas mabuting huwag mu­nang makisali ang sinu­mang indibidwal o grupo tulad ng action star turned Muslim convert na si Padilla sa isyu ng pagpapalaya sa dinukot na ICRC members.

Sa kabila nito, aminado naman si Yano na ipinau­ubaya na nila ang desisyon sa ACC sa isyu ng pakiki­sawsaw sa negosasyon ni Robin at kung ipadadala ito sa Sulu.