Ligtas na paaralan Itatayo ng DepEd at UNICEF

Pinaalalahanan ka­makailan ni Pangulong Arroyo ang Department of Education na dapat tiya­king ligtas sa panahon ng kalamidad ang mga mag-aaral at empleyado ng mga pampublikong paaralan

Idiniin ng Punong Ehe­kutibo na dapat matatag din sa panahon ng kala­midad tulad ng bagyo at lindol ang mga gusaling pampaaralan.

Kaugnay nito, nagtulu­ngan ang DepEd at ang United Children’s Emergency Fund sa pagpapa­tayo ng ideal at ligtas na eskuwelahan.

Ipinahiwatig ng kalihim na ang modelong gusali ay bubuuin ng konkreto at bakal para ito maging ma­tibay. Ang bubungan ay su­­suportahan ng concrete beam para makatagal sa anumang pressure.

Ang sahig ay iaangat nang isang metro mula sa lupa para maiiwas sa tubig-baha ang mga libro at silya. (Rudy Andal)