2 bibitayin sa Enero nakiusap kay GMA

Habang masaya sa papalapit na kapaskuhan ang mundo, malungkot naman sa ginagawang countdown ang dalawang nakahanay sa death row na nakatakdang bitayin sa Enero.

Bunsod nito, kinalampag kahapon ng iba’t ibang grupo ng simbahang Katoliko ang damdamin ni Pangulong Arroyo sa panawagang muling ibaba ang moratorium sa death penalty kasunod ng pagliham ng mga death convicts na sina Roderick Licayan at Roberto Lara.

Nakasaad sa liham ng dalawang preso na bigyan sila ng pagkakataong mabuhay ng Pangulo.

Naniniwala umano sila na bilang isang ina ay katulad din ng pagmamahal sa anak at sa pagtulong sa mahihirap ang ibibigay sa kanilang pagkakataong mabuhay. (Ulat ni Ludy Bermudo)