Erap hindi sinipot ang anibersaryo ng senado

Kahit pinayagan ng Sandiganbayan na makadalo sa photo session ng Senado si dating Pangulong Estrada ay minabuti na lamang nito na manatili sa kanyang detention room sa Veterans Memorial Hospital sa Quezon City dahil ayaw na umano niyang gumastos pa ng malaki ang gobyerno kung e-eskortan na naman siya patungo sa Senado.

At dahil walang Erap na sumipot kahapon sa ginanap na ika-85 anibersaryo ng Senado, nagsolo at walang escort nang dumalo ang kanyang maybahay na si Sen. Loi Ejercito Estrada.

Naunang hiniling ni Sen. Loi sa Senado na payagang makadalo ang kanyang mister sa gaganaping photo session. Pero matapos payagan, nagpasya si Estrada na huwag umatend at manatili na lamang sa ospital. (Ulat ni Rudy Andal)