Young, Irving moduwa sa NBA All-Star
CEBU, Philippines — Sila si Trae Young sa Atlanta Hawks ug Kyrie Irving sa Dallas Mavericks naapil sa listahan sa mga bitoon nga mopakita'g aksiyon sa giatngan nga NBA All-Star Game nga gikatakda karong Pebrero 17 (oras dinhi sa Pilipinas) didto sa Chase Center sa San Francisco, California.
Gikuha sila aron mohulip nilang Giannis Antetokounmpo ug Anthony Davis nga dili makaduwa tungod kay dunay gihambin nga angol. Si Young, nga mi-average og 23.5 puntos ug 11.4 matag duwa ning season, adto mapunta sa "Team Chuck" ni Charles Barkley.
Mao kini ang ikaupat nga higayon nga mokumbati siya sa tinuig nga pasundayag sa liga. Samtang ang Australyanong si Irving mowadwad sa iyang abilidad uban sa "Team Shaq" ni Shaquille O'Neal.
Si Irving mipatak og 24.1 puntos matag duwa uban sa Mavs.
Kalit siyang gibira alang sa All-Star aron ipuli ni Davis, nga nayayay atol sa impresibo niyang debut sa Mavs diin kini miposte og 26 puntos ug 16 ka rebounds.
- Latest
