Tres ni Doncic naglusot sa Mavericks sa Game 2
MINNEAPOLIS — Ipinasok ni Luka Doncic ang game-winning three-point shot sa huling tatlong segundo sa 109-108 pagtakas ng Dallas Mavericks sa Minnesota Timberwolves sa Game Two para sa 2-0 lead sa Western Conference finals.
Tumapos si Doncic na may 32 points, 13 assists at 10 rebounds para sa kanyang pang-limang triple-double sa playoffs.
Ang Mavericks ang mamamahala sa Game Three at Four at hangad na mawalis ang Timberwolves sa best-of-seven series papasok sa NBA Finals.
“First to four. Nothing’s won,” sabi ni Doncic. “You’ve just got to think about next game — not in the future, just this game.”
Isinalpak ng Slovenian star guard ang kanyang tres sa harap ni Defensive Player of the Year Rudy Gobert ng Minnesota.
Pinamunuan ni Naz Reid ang Timberwolves sa kanyang 23 points tampok ang pitong tres, ngunit bigong maipasok ang triple sa pagtunog ng final buzzer.
- Latest
