2nd Rey Gealon chessfest gitakda sa Hunyo 30
CEBU, Philippines — Andam na ang tanan alang sa 2nd Councilor Rey Gealon Chess Tournament nga gikatakda karong Hunyo 30 didto sa Cebu Chess Club nga anaa mahimutang sa 4th floor sa Robinsons Galleria Cebu.
Kapin sa P30,000 nga ganting salapi ang ipanghatag sa mga mananaog ning siyam ka hugna nga kompetisyon nga gipahigayon agi'g pagtambayayong sa Cebu Executives and Professionals Chess Association (CEPCA).
Ang makampiyon mobulsa og P7,000, samtang ang mopahiluna sa ikaduha ngadto ikalimang dapit makadawat og P5,000 P3,000, P2,000, ug P1,000. Ang 6th ngadto sa 10th mokubra og P700 matag usa, samtang ang 11th-15th dunay tag-P500.
Aduna say gitagana nga P1,000 bonus alang sa top collegiate finisher (Under 22), P700 alang sa top Cepcans A ug B ug lady player, ug P500 alang sa top kiddies (10 Under) ug senior (60-above).
Ang rehistrasyon nagkantidad of P250 alang sa regular players ug P150 niadtong mga dunay diskwento sama sa mga miyembro sa CEPCA , senior citizens, PWDs, ladies, ug mga bata nga nag-edad og 12 anyos paubos. Alang sa dugang detalye, mahimong mokontak nilang National Arbiters Edwin Cablao (0917138 3181) ug Kevin Yap (09458559800) o bisitaha ang Cebu School of Chess Facebook page.
- Latest
