Construction diha sa Hipodromo gipahunong sa OBO

CEBU, Philippines — Ang Office of the Building Official niisyu og notice of illegal construction ug work stoppage order batok sa gipahigayong construction diha sa Barangay Hipodromo, Dakbayan sa Sugbo tungod sa giingong kalapasan nga nahimo niini.

Ang OBO nga gipangulohan ni Architect Florante Catalan, niisyu ug notices sa maong construction human kini naghimo og concrete fence nga nakaali sa agianan sa tubig diha sa Sitio Cahipa sa nahisgutang barangay.

Ang maong obstruction nakamugna og baha sa pipila ka mga kabalayan sa lugar.

Gikataho nga gipabayad og P10 mil nga multa ang contractor tungod kalapasan niini.

Matud pa ni Catalan dili angayang alihan ang agianan sa tubig diha sa lugar.

Dugang ni Catalan nga kinahanglang isumiter sa contractor ang relocation survey sa lot title aron pag-establisar kong karaan ba ang agianan sa tubig. BDB BANAT NEWS