Mas daghang drayber ang nadakpan sa 2024

CEBU, Philippines — Mas daghang mga drayber ug mga sakyanan ang nadakpan sa nakalabay nga tuig 2024 kun itandi sa nakalabay nga tuig sumala pa sa Land Transportation Office.

Sa pagtapos sa tuig 2024, moabot 639,323 ka motorista sa tibuok nasud ang nangadakpan tungod sa nagkalainlaing kalapasan sa lagda sa trapiko, sa tuig 2023 niabot lang kini og 529,439.

Si LTO Chief, Assistant Secretary Atty. Vigor D. Mendoza II  miingon nga ang mga bag-ong estratehiya sa pagpatuman sa mga road safety rules and regulations maoy hinungdan nganong daghan sila og nadakpan sa miaging tuig itandi sa 2023.

Usa niini ang gipakusgang koordinasyon ngadto sa lokal nga kapolisan , pag-deploy kanunay sa ilang traffic enforcers ug ingon man sa pakig-alayon sa mga local government units.

Ang LTO-Calabarzon maoy nag-una sa dunay pinakadaghang nadakpan nga miabot og 109,159, sunod sab ang Cagayan Valley Regionsa ilang 70,855.

Miabot og 144.11% ang pagsaka sa mga traffic violators sa  LTO-Calabarzon kun itandi sa  2023 nga niabot lang og 44,717 ang mga nadakpan.

 “I commend our enforcers for going the extra mile in enforcing traffic rules and regulations. Most of them even went on duty at night and even in the wee hours in the morning just to enforce the law,” matud pang Mendoza.

Apil sa ilang gitutokan mao ang anti-colorum driveug mga operasyon batok sa mga trak nga pirmeng molapas sa mga road safety regulations sama nalang anang grabe ka hilis na nga ligid apan padayun gihapon sa pagbiyahe.

Sa lain bahin, miabot og 29,709 ka mga sakyanan ug motorsiklo ang na impound sa 2024 o

21.93 percent increase  itandi sa 24,366 sa 2023.

"Let these results of our operations serve as a reminder to motorists that we will further strengthen our operation to ensure that all motorists follow traffic laws," dugang pang Mendoza.

Sayo ning tuiga, ang LTO niawhag sa mga motorista nga iapil sa ilang resolusyon karong 2025 nga mahimo silang responsible ug disiplinadong mga drayber.

Ang Department of Transportation (DOTr) ubos sa pamunoan karon ni Secretary Jaime J. Bautista nagtinguha nga mokunhod og 35 percent ang mga matalang aksidente sa kadalanan sa dili pa matapos ang termino ni Presidente Ferdinand “Bongbong” Marcos, Jr. pinaa sa ilang STOP Road Crash advocacy program .(BANAT NEWS)