Porn sites sa mga internetan, Piso wi-fi sa Toledo ipa ban

CEBU, Philippines — Tungod sa nahitabong pag-gang rape sa usa ka 8-anyos sa mga kaparehas ra sab niyang mga menor de edad sa miaging buwan, gimando ni Toledo City Mayor Marjorie “Joie” Perales nga ipa block sa mga internet café ubos sa hurisdiksyon sa siyudad kining mga porn sites.

Kini human nasuta sa imbestigasyon nga kadtong tulo ka batang milugos sa biktima nitug-an nga ilaha rang gikopya ang ilang nakita sa sa porn site diha sa internetan.

Nagkanayon si Perales nga ipa amendar niya ang ordinansa labot sa pag operate og internetan ug iyang ipaapil nga responsibilidad sa internetan ang pag-filter o pag ban sa porn websites aron di maka access ang mga kabataan.

Dili lang mga internetan ang kinahanglang motuman niini kondili apil pud ang mga operators anang piso wi-fi kay ang porn sites mahimo mang ma-access pinaagi sa cellphone.

Gusto niya nga kung unsa man ang himuon sa internetan mao sab ang himuon sa nagpa operate og piso wi-fi aron ang kabataan dili makayano og sulod sa mga law-ay nga websites nga maoy makapatukmod nila sa paghimo og dili maayo.(BANAT NEWS)