Garcia: Dakbayan sa Sugbo walay POGO activities
CEBU, Philippines — Si Mayor Raymond Alvin Garcia sa Dakbayan sa Sugbo magpahigayon og coordination meeting aron mopagawas unya og certificate nga “no POGO activity” ang Siyudad sa Sugbo.
Kini subay sa executive order sa Department of the Interior and Local Government nga nagmando sa tanang LGU nga moduso og certificate nga walay POGO nga kalihokan sa ilang dapit.
Matud ni Garcia nga andam sila mo-comply sa kamandoan sa DILG apan magpahigayon pa siya og coordination meeting sa law enforcement agencies sama sa PNP, NBI, ug BPLO aron tukion ug susihon ang kahimtang kalabot sa POGO.
Gipadayag ni Garcia nga 100 porsyento man siya’ng sigurado nga walay ilegal nga POGO nga kalihokan ang siyudad.
Apan posibleng adunay ginagmay nga POGO like illegal activities ug kinahanglan kining ipasubay.
Gibutyag ni Garcia nga human niya makuha ang mga taho lakip sa pag-isyu kaniya og certification gikan sa iyang ipahigayon nga coordination meeting nga maoy iyang basehanan anha na siya moluwat ug certificate nga “no POGO activities” sa siyudad ngadto sa DILG.
Matud usab ni Garcia nga kampante siya nga makaduso ra sila sa gipangayo sa DILG bisan pa taliwala sa ka busy sa pagpangandam nila sa Sinulog.
Ang mga LGU gihatagan sa DILG kutob sa Enero 10, 2025 nga gipirmahan ni Secretary Victor Remulla nga moduso sa ilang final report sa ilang compliance sa directives ngadto sa DILG regional office. (BANAT NEWS)
- Latest
