CCENRO mananum og kawayan isip kabahin sa reforestation

CEBU, Philippines —Tinguha sa Cebu City Environment and Natural Resources Office nga ilakip ang tree-growing activity sa laing hugna sa city-wide clean-up unya sa buwan sa Septiyembre.

Suma pa sa pangu sa CCENRO, Reymar Hijara said, usa kini ka mabungahon nga gimbuhaton sa higayon nga kini mapadayon.

Sa pagkakaron ang CCENRO nisusi sa kasabutan tali sa kagamhanan sa dakbayan sa Sugbo tali sa Ayala Land kabahin sa re-forestation efforts ubos sa ilang propedad.

“Nag touch-base mig balik sa Ayala land...I receive an information from the City disaster office concerning an agreement with Ayala for a greening project with Cebu City,” suma pa ni Hijara.

Kini nitumaw nonot sa tinguha sa CCENRO nga mopahigayon og bamboo planting activity karong buwan sa Septiyembre diha sa Ayala Heights.

Laing duha ka lugar ang giplano usab nga nahimutang diha sa upland area sa siyudad.

Gawas sa mga kawayan, si Hijara miingon nga nagplano usab sila sa pagpatubo og mga native tress isip kabahin sa reforestation efforts sa dakbayan.

Ang Ayala Land, miuyon usab nga himoon ang opening sa Bamboo Month uban sa ceremonial planting sa mga bamboos, nga idungan sa pagtanum sa ubang mga lugar sa bukirang barangay sa siyudad sa Sugbo.

Ang bamboo ug ubang tree-growing activity himoon uban usab City Agriculture Department.

Gitug-an usab ni Hijara nga sa kulminasyon sa Bamboo Month unya sa Septiymebre 21 plano sa CCENRO nga himoon usab ang City-wide clean-up.

Ang kataposan nga clean—up drive sa city government nahitabo niadtong buwan sa Hunyo gani gikonsiderar kini nga malamposon dili lang sa gidaghanon sa mga basura nga nakuha kundili apil na ang sakto nga segregation ug recycling sa mga plastic nga basura. (BANAT NEWS)