Rama nagtinguha nga mapatuman na ang revised RPT
CEBU, Philippines — Subling nag-awhag si Cebu City Mayor Michael Rama nga ipatuman na ang revised Real Property Tax (RPT) code sa dili pa matapos ang buwan sa Marso.
Kini samtang ang konseho sa siyudad gikatakda nga motuki sa second deliberation sunod semana.
Atol sa flag-raising ceremony kagahapon Lunes, gisubli ni Rama ang iyang panawagan nga ipatuman ang revised RPT sa dili pa matapos ang buwan sa Marso.
Suma pa sa mayor nga nihatag na siya og taas nga pasensya sa pagpaabot sa implementasyon niini ug giklaro usab niya nga way kausaban sa assessment value ug tax rate apan ipatuman lang ang Fair Market Value (FMV) diin gibase ang bag-ong tax code.
"Implementing rules and regulation shall be immediately crafted after the passage of the general revision to balance the interest of the government," matud pa ni Rama.
Dugang ni Rama nga karon na ang saktong panahon nga i-implementar ang revised RPT ilabi na kay ang latest version niini niadto pang tuig 2023.
Gibutyag sa Mayor nga ang revision dugay nang gituki, kaniadto napasar nga iyang gi-veto ug kinahanglan ang mga legislature molihok na nga adunay finality nga walay ma kompromiso.
Ang mayor nagtuo nga adunay mga tag-iya sa yuta, developers ug magbubuhis nga andam mobayad sa updated nga buhis sa yuta ug mga propriedad. MEL BANAT NEWS
- Latest
