Negosyante, Australyano nalutsag warrants
CEBU, Philippines — Usa ka babayeng negusyante ug usa ka Australian national ang nasikop sa kapolisan pinasikad sa warrant of arrest nga adunay nagkalain-laing kaso.
Si Virginita Perono Rico, 41 anyos, taga Kimba Cansojong sa nahisgutang siyudad adunay kaso nga reckless imprudence resulting in damage to property.
Bitbit ang warrant of arrest nga giluwatan ni Judge Charina Navarro-Quijano sa MTCC 7th Judicial Region Branch 2, Dakbayan sa Talisay si Rico gidakop.
Samtang nasikop sab si Matthew Brocj Cairns, 43, nga usa ka Australian national nga kasamtangang nagpuyo sa Tali Plains Subdivision, Barangay Tabunok sa nahisgutang siyudad.
Ang langyaw adunay kaso nga rape by sexual assault ug nalutsan og warrant of arrest nga giluwatan ni Judge Romeo Reyes Jr. Sa FC 7th Judicial Region Branch 7, Talisay City.
Iyang pyansa gitagana sa kantidad nga P200 mil.
Si Police Lt. Col. Randy Caballes, hepe sa kapolisan nibutyag nga subay kini sa ilang programa nga Oplan Limpyo Talisay nga ang adunay mga kaso mahipos ug manubag sa balaod. (BANATNEWS)
- Latest
