Relokasyon sa mga biktima sa sunog sa Mandaue giugmad na
CEBU, Philippines — Hingpit na unya nga makabalhin ang 700 ka pamilya nga biktima sa sunog sa Barangay Tipolo ngadto sa ilang relocation site sa Tipolo Residences sa buwan sa Oktubre ning tuiga.
Si Atty Jonhbee Biton, pangulo sa Housing on Urban Development Office (HUDO) miingon nga ang Tipolo Residences usa ka socialized housing project nga gitukod pinaagi sa pakig-alayon sa kagamhaman sa maong siyudad ug pribadong kompaniya.
Dugang pa niya nga lima ka andana nga building ang padayon karon nga giugmad nga kapuy-an sa mga biktima sa sunog sa Sitio Basubas ug Maharlika niadtong tuig 2019 ug Barangay Guizo niadtong 2016.
Sa nasayran ang maong mga biktima ang temporaryo nga gipapuyo sa compound sa Cebu International Convention Center ( CICC) hangtud nga mahuman ang socialized housing project nga gitukod alang kanila.
- Latest
