Kapin P6M nga incentive gihatag sa Probinsiya ngadto sa Bogo

CEBU, Philippines — Sobra P6 milyones ang gibubo nga financial incentive sa Probinsya sa Sugbo didto sa dakbayan sa Bogo.

Atol sa pag bisita ni gobernador Gwendolyn Garcia sa dakbayan niadtong Nobyembre 9, 2021, nisaad ang gobernador nga mohatag ang Kapitolyo og P1.2 million nga cash incentive kon diin tag P100, 000 niini ang mga konsehal nga nitambong sa Philippine Councilors League (PCL) tourism caravan niadtong bulan sa Mayo.

Giturn over usab sa gobernador ang  P2.9 million nga assistance sa Association of Barangay Captains (ABC) sa Bogo alang sa mga infrastructure projects sa 12 ka barangay nga mag bahin sa maong kantidad.

Laing gihatag sa Kapitolyo mao ang P2 milyones nga incentive ngadto kang Bogo City Mayor Carlo Jose Martinez sa pag tambong niini sa Provincial Development Council niadtong October 28.

Ang paghatag sa Kapitolyo og insentibo didto sa Bogo gidungan atol sa pag ground break ug pag-inagurar sa mga opisyal sa Probinsya sa mga proyekto sa imprastraktura didto sa maong dakbayan. MEL (BANATNEWS)