Mga tigbalita dili exempted sa stress ug trauma sa ilang trabaho — PECOJON

CEBU, Philippines - Pipila ka photojournalists ug tigbalita sa kalamidad ug giyera ang mipaubos sa trauma/stress debriefing niadtong tibuok adlaw sa Lunes.

Ang Peace and Conflict Journalism Network kon Pecojon nakig-alayon sa mga eksperto nga doctor ug psychologist gikan Germany aron matabangan ang mga journalists kun unsaon ang pagdala ang trauma ug stress ug aron dili usab maapektahan ang kalidad sa ilang mga balita.

"Journalists are exposed to intense stress and traumatic experiences often disturbing their observation skills, blur their perceptions and have lasting impact which in extreme cases manifest in Post Traumatic Stress Disorder,' matud sa Pecojon.

Matud ni Charlie Saceda, Pecojon coordinator nga pinaagi sa workshop ang mga tigbalita makakuha og saktong estratehiya ug matabangan usab pag cope up sa "stress, anger and trauma."

"In the context of quality, the journalists covering disasters or wars cannot report and deliver quality news if he/she is stressed and traumatized," matud ni Saceda.

Matud ni Matthias Witzel usa ka psychologist nga "exercise" ang labing  sayon nga paagi aron makalingkawas sa trauma.

Ang deep breathing exercise,  matud ni Witzel makatabang pagpakalma sa tensyonadong indibidwal.

"Balanced deep breathing, conscious breathing is one of the  best ways to lower stress in body, soul and mind because when a person with tension breathes deeply,  he sends a message to his brain to calm down and relax," esplikar ni Witzel.

Apan, matud ni Witzel dunay nagkadaiyang symptoms ang masinati sa na-traumatized nga tawo.

"Unexpected severe symptoms like headache, stomachache, chest and back pains, nightmares,  tensed muscles, increased heart rate, fast breathing,  high blood pressure and among others," matud niya. Busa matud ni Witzel ang exercise approach usa ka epektibo, sayon ug way gastos  nga paagi kontra trauma ug stress.

Gi-uyunan usab kini ni Dr. Sarah Monz, usa ka espesyalista sa trauma therapy ug acupuncture.

Matud ni Monz nga kinahanglan usab ang pag-inom og mga bitamina ug mineral.

"These bad pictures of traumatic incidents will stick and stay with us if we don't give our body a chance to heal through exercises and taking a lot of vitamins, minerals,  magnesium,  folic acid, Zinc and B12 two to three months as temporary treatment, " matud ni Monz. -/EIM (BANAT NEWS)