P3 milyones danyos sa sunog sa dakbayan sa Sugbo

CEBU, Philippines — Usa ka sunog ang niulbo diha sa may Pelaz Street sa dakbayan sa Sugbo niadtong Disyembre 31, 2024 nga gilangkuban og commercial establishments.

Kini ang gibutyag sa tigpamaba sa Cebu City Fire Department Senior Fire Officer 2 Wendell Villanueva.

Ang sunog nadawat sa kabomberohan alas dies bente tres sa buntag nga naglambigit og balay patigayon.

Nakontrolar ang maong sunog alas dies kwarenta dos ug hingpit nga na fire out alas dies singkwentay tres.

Wala hinooy natala nga nakalas o naangol sa maong sunog diin gibana-bana nga moabot ngadto sa P3 milyones ang danyos.

Upat ka mga estraktura ang partial nga nakan-an sa kayo ug padayon pa nga gihimo ang imbestigasyon sa hinungdan sa pag-ulbo sa kayo.

Sumala pa ni Villanueva, atol sa pagsugat na sa bag-ong tuig 2025 wala silay natala nga sunog ikomparar sa tuig 2024 nga nakatala sila ug duha ka sunog.  Gitug-an ni Villanueva, nagbunga gayud ang ilang gihimo sa BFP nga subsob nga kampanya ug rekorida aron malikayan ang sunog.

Dugang pa niya nga subo lang tan-awon nga aduna gihapoy daghang nagpaboto gamit ang mga firecrackers diin adunay mga naangol ug nakalas. (BANAT NEWS)