Gang nagkarambola, usa gipusil

CEBU, Philippines — Grupo sa duha ka mga gangs sa Consolation nagkarambola na sab ug miresulta kini sa pagkaangol sa usa sa ilang mga miyembro human gipusil sa karibal nga grupo alas  2 :45 ang takna sa miaging kaadlawon diha sa Tambayan Food Park sa Barangay Pitogo.

Sumala pa sa kapolisan ang naangol mao si  Manuel Peraan  Camoro  Jr., 30, nagpuyo sa Pajo Cansaga Consolacion.

Samtang ang suspetsado nga nagpusil giila sa kapulisan nga si Ricky Gutib, taga  Purok 1 Barangay Nangka, Consolacion.

Sa imbestugasyoin nila ni Police Lieutenant Colonel Eunil Avergonzado, hepe sa Consolacion Police Station ang duha ka grupo nag-abot sa maong kan-anan ug nagka lalis hangtod nga naglinabayay  og mga botelya og bangko.

Hinuon nabadlong kini sa mga tawo ug nag-iyahay na sa pagpangkakaw pahilayo sa maong dapit. 

Apan wala magdugay , ang biktima nga nagbarog sa gawas sa maong foodpark kalit lang gipusil  sa maong suspetsado. Naigo kini sa lawas ug dali kining gidala sa tambalanan.

Ang kapolisan padayon pang nangita sa suspek nga luwan og motorsiklo sa iyang pag-ikyas. — IBM BANAT NEWS