Bag-ong barko gamiton sa fluvial procession sa Fiesta Senyor
CEBU, Philippines — Usa ka ro-ro vessel nga adunay 450 capacity ang gamiton sa fluvial procession nga ipahigayon sa Enero 18, 2025 atol sa ika-460th Fiesta Señor nga adunay tema nga Sto. Niño Hope of the Pilgrim Church.
Ang maong roro vessel gipanag-iya sa Medallion Transport Inc, suma pa sa kaparian nga Agustino atol sa press conference.
Ang MV Santo Niño de Cebu bag-o kini nga dugang barko sa Medallion ug una niining pasahero ang Balaan nga bata atol sa ipahigayon nga fluvial procession.
Si Pio Fulache, sa medallion transport nitug-an ang maong galleon nga gamiton maoy ika siyam nila nga barko og gitrabaho kini nga lokal lang sa usa ka shipyard dinhi sa Sugbo.
Gipadayag ni Fulache, nalipay sila sa dihang nakadawat og suwat gikan sa mga kadagkuan sa Basilica nga ilang barko ang usa sa gamiton nga galleon tungod kay na timing ra usab nga adunay mahuman nila nga bag-o ug grasya gayud kini kaayo gikan sa Ginoo.
Tinguha unta nganlan ang maong barko nga Our Lady of Good Hope pero nakadesider ang amahan nila ni Fulache nganlan kini sa balaan nga bata.
Ang kaparian nga Agustino makig-alayon pa sa Coastguard kung pila ang makasakay sa maong barko. Rowena D. Capistrano — (BANAT NEWS)
- Latest
