Trump gipusil atol sa campaign rally

CEBU, Philippines — Nalandig sa tambalanan si kanhi US president Donald Trump human siya gituohang gipusil atol sa campaign rally niya sa Pennsylvania kagahapong adlawa (adlaw nga Sabado didto sa Amerika).

Makita sa video nga dihang nagbutobuto nakita nga gisapupo ni Trump ang iyang tuo nga dunggan nga nagkadugo. Dali siyang gigakus ug gitabonan sa mga ahente sa Secret Service gipakanaog sa stage.

Tensyonado ug init ang panagribal nilang Republican candidate Trump ug  US President Joe Biden alang sa eleksyon karong bulan sa Nobiyembre. Hinuon ang Secret Service mi-post sa X nga luwas ra si Trump.

"President Trump thanks law enforcement and first responders for their quick action during this heinous act. He is fine and is being checked out at a local medical facility. More details will follow," matud pa sa iyang tigpamaba nga si Steven Cheung.

Si Biden gi-brief na sa Secret Service ug sa Secretary of Homeland Security bahin sa nahitabo ug mipagawas og pamahayag nga nagkondenar sa pag-atake ngadto sa iyang karibal.

"I'm grateful to hear that he's safe and doing well. I'm praying for him and his family and for all those who were at the rally, as we await further information. Jill and I are grateful to the Secret Service for getting him to safety. There's no place for this kind of violence in America. We must unite as one nation to condemn it," matud pang Biden.

Lakip sa mikondenar sa nahitabo mao silang kanhi U.S. president George Bush kanhi U.S. president Barack Obama nga parehong miingon nga way luna sa demokrasya ang susamang bayolenteng mga lakang may kalabotan sa ilang eleksyon.

Si Presidente Ferdinand Marcos Jr. mipagawas og pamahayag nga nagpasalamat nga luwas ra si Trump ug mikondenar sa maong pagatake.

“Together with all [democracy-loving] peoples around the world, we condemn all forms of political violence. The voice of the people must always remain supreme,” matud pa niya.

Atol sa hitabo, napatay ang matud pa nagpusil kang Trump human gipusil sa mga Secret Service snipers nga nagbantay sa venue.

Lakip sa nikondenar sa maong hitabo mao silang U.K. Prime Minister Kier Starmer; Japanese Prime Minister Fumio Kishida ;Australian leader Anthony Albanese; New Zealand's Prime Minister Chris Luxon ug uban pa.