Rama nag-awhag og suporta sa pag-host sa Palarong Pambansa

CEBU, Philippines — Mayor Michael Rama sa Dakbayan sa Sugbo nakigtagbo sa iyang mga Department Heads aron magtinabangay sa pagpangandam sa pag host sa siyudad sa Palarong Pambansa karong buwan sa Hulyo ning tuiga.

Atol sa convergence meeting nga gitambongan sa pipila ka mga stakeholders ilang gituki ang pagpangandam alang sa nationwide sporting event.

Tinguha sa mayor nga dili malimtan sa mga tinun-an ug sa mga atleta ang paghost sa siyudad sa Palaro diin 30 ka tuig na ang nakalabay human kataposan nga ni host niini ang dakbayan.

Ni presenter sa ilang mga report ang nagkadaiyang technical working teams nga naglihok sa lain-lain nga aspeto.

Gihisgutan usab nga adunay bahin sa South Road Properties nga magamit ilabi na sa mga duwa nga nanginahanglan og sakto nga luna.

Ang mayor niawhag sa tanan lakip na sa mga Sugbuanon nga mosuporta sa umaabot nga palarong pambansa aron kini magmalampuson. (BANAT NEWS)