Dili magtarong og bayad sa buhis gukdon sa Cebu City

CEBU, Philippines — Mas gipasayon alang sa mga magbubuhis sa Dakbayan sa Sugbo ang pagbayad nila og buhis pinaagi sa gibuksan nga bag-ong satellite office sa Cebu City Treasurer nga nahimutang sa usa ka dakong mall diha sa South Road Properties (SRP).

Ang maong pamaagi magdasig kini sa mga tax payer sa pagtuman sa ilang obligasyon apan kadtong magmagahi ug mamakak sa pagbayad sa ilang buluhisan ang seryoso usab nga gukoron sa siyudad.

Ang Cebu City LGU niawhag karon pinaagi sa programa nga Sayaw para sa Buhis nga klarohon ang pagbayad nila sa ilang mga obligasyon sa mga magpapatigayon.

Sa higayon nga masakpan ang mga nagdumala ug balay patigayon nga wala magtuman sa ilang obligasyon pabayaron gyud sila sa buhis kong kanos-a sila nagsugod nga wala magtinarong nga mas modako na hinuon matud ni Ofelia Oliva project head sa Sayaw para sa Buhis ug kanhi city treasurer sa siyudad.

Tinguha sa siyudad nga makakolekta og sakto nga mga buhis nga mahimong magamit alang sa mga proyekto ug programa sa dakbayan. —/BDB (BANAT NEWS)