Ordinansa nga nagdugang sa scholars sa probinsiya napasar
CEBU, Philippines — Mas daghan na karon ang dawaton nga scholars sa Probinsya sa Sugbo alang sa Cebu Province Grants Intended For Tertiary Students (CP-GIFS) niini.
Kini human nga ang hunta probinsyal nipasar sa ordinansa nga nipadaghan sa mga scholars ngadto sa 200 matag distrito sa Probinsya sa Sugbo.
Nagpasabot usab kini nga ang alokasyon alang sa maong scholarship program anaa na sa P36 million.
“There will be two hundred (200) scholars/ grantees per district, one hundred (100) scholars/ grantees per ex-officio representation in the Sangguniang Panlalawigan, and additional allocation from other sources” pagbasa a Provincial Ordinance number 2022-05
Ang CP-GIFTS usa ka programa nga naghatag og scholarship grant sa mga kabus apan “deserving” nga tinun-an sa Probinsya sa Sugbo.
Ang pagpatuman niini magsugod sa School Year 2022- 2023.
Aprobado na sab ang maong amended ordinance ni gobernador Gwen Garcia niadtong September 27.
Niadtong 2020, mikabat lang sa 100 ka scholars ang gigahin matag distrito sa probinsya ug ang mga kwalipikado nga tinun-an makadawat og 2, 000 nga binulan nga allowance. —MEL (BANATNEWS)
- Latest
