Kita sa Probinsiya sa Sugbo nisaka
CEBU, Philippines — Nisaka ang kita sa Probinsiya sa Sugbo taliwala sa pandemya nga dala sa coronavirus disease.
Base sa datus nga gipagawas sa Provincial Treasurer’s Office, niabot sa P687. 7 million ang kita sa probinsiya gikan sa bulan sa Enero hangtod Septiyembre 2020, nisaka kini og 2.61% kon itandi sa P670.2 million sa susamang panahon niadtong niaging tuig.
Hinoon, niubos ang nakuha sa kapitolyo sa total tax revenue sulod sa siyam ka buwan, anaa ra sa P142, 962, 188. 66 o 7.81% ang pag-ubos gikan sa P154, 096, 823. 82 sa susamang period sa tuig 2019. Matod sa Provincial Treasurer Atty. Roy Salubre, ila na daan kini nga gipaabot gumikan sa epekto sa pandemya.
“Sa pagkakaron, wala man kaayo kabayad ang mga tax payers kay primero ang ilang accessibility and second ila pud sources, so we hope on the beginning of next year or end of this year maka-recover ta” matod ni Salubre.
Ang total non-tax revenue nga kita sa probinsiya nga niabot sa P56, 185, 898.87 o 15.69% ang pagsaka gikan sa P48, 564, 761.32 gikan Enero hangtod Septiyembre 2019.
Nisaka sab hinoon ang koleksyon gikan sa mga tambalanan sa Probinsya, gikan sa P266 million sa niaging tuig nisaka kini og P289.8million karong tuiga.
Samtang niubos ang kita sa CSBT gikan sa P49.9 million sa niaging tuig nikunhod kini og 63.63% ug anaa lang sa P18.1 million ang nakolekta sa terminal sulod sa unang siyam ka bulan. (BANAT NEWS)
- Latest
