Talisay namaligyag og “tasa sa paglaom”
CEBU, Philippines — Ang kagamhanan sa Dakbayan sa Talisay namaligya kini og tasa o “tasa sa paglaom” nga gikan sa pamilyang Formentera.
Si Mayor Gerald Anthony “Samsam” Gullas, Jr. nipasabot nga ang ilang gibuhat tabang kini alang kang Resh Nathan Formentera, 8-anyos, kinsa adunay acute lymphoblastic leukemia sukad pa sa nag-edad pa kini og 3-anyos.
Niadtong Martes sa hapon ang ginikanan sa bata nakigtagbo kang Gullas aron magpakitabang nga mabaligya ang ilang negosyo nga tasa nga ilang ginganlan og “a cup of hope”.
“Last Dec. 1, I celebrated my 35th birthday, I'm just glad that I could reach my current age as a happy and healthy person. But not all are given the opportunity that I currently have like eight-year-old Resh Nathan Formentera. While some kids his age are out studying and playing to their heart's content, Resh is instead on his bed, sickly and pale”, tipik sa post ni Gullas sa iyang facebook account.
Ang pagtambal sa bata nahuman na unta sa buwan sa Agosto apan giingong nibalik ang sakit niini ug ang central nervous system na ang apektado.
Si Gullas kinsa nitunol sa iyang hinabang ug nipalit usab sa tasa nga nagkantidad og P300 ang niawhag usab sa katawhan nga mohatag usab og tabang sa bata. /BDB (BANATNEWS)
- Latest
