Travel advisory sa UK wala makaapekto

CEBU, Philippines — Walay epekto sa tourist arrivals sa mga Briton dinhi sa Lalawigan sa Sugbo ang travel advisory sa United Kingdom diin gipahimangnoan niini ang mga British national nga magbantay sa habagatang bahin sa Lalawigan sa Sugbo.

Matud sa regional director sa Department of Tourism (DOT)-7 Central Visayas, Shalimar Hofer Tamano nga human sa pagpagawas sa British Government sa maong travel advisory  nagkatigom ang mga opisyal sa UK Embassy sa kaulohan diin nahisgutan nila kini.

Si Tamano nagkanayon nga kon itandi usab sa ubang langyaw o turista labing daghan gihapon ang mga turista gikan sa Korea, Japan o ang mga gikan sa nasud sa Asya ang moanhi sa nasud.

Angayang hatagan og pagtagad ang pagpagawas og travel advisory sa ubang nasud diin buot lang usab nilang dili mahimutang sa peligro ang seguridad sa ilang mga konstituwente.

"Kita actually, kinahanglan maanad na ta anang advisories, because any country can give advisories depending on their national interest, we have to understand that they have to protect their citizens whether accurate or not whether its raw or verified", matud ni Tamano.

Iyang giawhag ang mga lokal nga  kagamhanan nga mohimo og pamaagi pagpamatuod sa mga langyaw nga luwas ug hapsay ang lugar nila ilabi na diha sa mga tourist destination. (/BDB)(BANATNEWS)