Toledo mopalit bag-ong police cars

CEBU, Philippines – Nigahin og P24 milyones ang kagamhanan sa dakbayan sa Toledo alang sa pagpalit og police patrol cars nga dugay na’ng gipaabot sa kapolisan.

Kini ang gitug-an ni Konsehal Zosimo Abellanosa, chairman sa committee on peace and order sa konseho sa dakbayan.

Matud ni Abellanosa nga aduna na’y nidaug sa bidding nga supplier sa upat ka pick-up ug duha ka motorsiklo alang sa pagpatrolya sa kapolisan. Dugang ni Abellanosa nga posible’ng sa sunod buwan na maabot ang mao’ng mga sakyanan. – /GMR) (BANAT NEWS)