Samsam, Del Mar nakugang nga nangaapil sa pork barrel scam
CEBU, Philippines - Sila si Kongresista Raul Del Mar ug Gerald Anthony “Samsam†Gullas sa Cebu City North ug unang distrito sa probinsiya sa Sugbo nangakugang nga giapil ang ilang mga pangalan sa listahan ni Janet Lim Napoles sa “pork barrel scam.†Na-circulate na ang listahan ni Napoles sa 53 ka mga ngalan sa mga incumbent ug kanhi mga kongresista ug Senador nga giingong dunay kalambigitan sa pork barrel scam. Lakip sa maong listahan ang siyam ka mga ngalan sa incumbent nga Senator lakip nila ni Jinggoy Estrada, Juan Ponce Enrile ug Ramon “Bong†Revilla, Jr., anhing Senador Robert Barbers ug kanhi Kongresista sa San Juan ug karon Senador JV Ejercito.
Si Gullas ug Del Mar sa interbyu kagahapon mihimakak nga duna sila’y kalambigitan sa Priority Development Assistance Fund (PDAF) scam. Matud ni Gullas nga imposible ang maong pasangil batok kaniya tungod kay bag-o pa lang siyang milingkod sa katungdanan. Sa listahan ni Napoles, ang 19 ka kongresista ang miyembro karon sa 16th Congress nga naglakip ni Gullas.
“How come that my name is included in the list when it was in the 16th Congress that PDAF was abolished?, Very shocking,†matud ni Gullas. Ang PDAF gitangtang kini sa 2014 national budget.
Matud ni Gullas binuang kini ug nakadaot sa reputasyon sa iyang pamilya ingon man sa distritong iyang girepresentahan.
“This is crazy and outrageous and it questions the credibility of the list. From the start of our term, the PDAF controversy was there already and it was even abolished this year,†ni Gullas pa. Si Del Mar sa iyang bahin, nagkanayon nga dili katuohan ang maong pasangil batok kaniya tungod kay mitumaw ang kontrobersiya sa PDAF niadto pang tuig 2013 ug wala malakip ang iyang pangalan niini.
“I was surprised why my name is in the rumored list when I was never included in the many lists circulated the past,†matud ni Del Mar sa iyang mensahe sa text sa The Freeman igsuong pamantalaan sa Banat News.
Si Del Mar first termer kini sa 16th Congress apan nahimo siyang magbabalaod sa milabay’ng dekada. Matud ni Del Mar nga maghuwat na lang siya sa official nga listahan gikan sa Department of Justice ug matud niya nga nagtuo siyang wala maapil ang iyang pangalan niini. Ang listahan sa DOJ maoy basehan sa pagpasaka og kaso. Kaniadto dunay P70 milyones nga PDAF ang matag kongresista alang sa ilang mga “hard projects†ug“soft projects.†(BANAT NEWS)
- Latest
