Mensahe sa Santo Papa sa 2010: Kinabuhi respetuhon, kinaiyahan atimanon

CEBU, Philippines - Gipanghingusgan ni Santo Papa Benedict XVI ang pagkondenar sa aborsyon ug ang mga artipisyal nga pamaagi sa pagpanganak ingon man ang pag-awhag sa nagkadaiyang lider sa kanasuran nga pangitaan og pamaaging mawagtang na ang kakabus sa katawhan apan kinahanglan dili pinaagi sa pagkutlo sa kinabuhi sa mga wala pa matawo ingon man ang pagpalig-on sa proteksyon sa kababayen-an ug ang paghatag og atensyon sa nagkaanam karong pagkaguba sa kinaiyahan.

Ang maong mensahe maoy unod sa pamahayag sa Santo Papa didto sa Vatican nga gipagawas usab sa telebisyon dinhi sa Pilipinas kagahapon sa 1:20 sa kaadlawon (GMA News) nga giatangan sa mga Romano Katoliko dinhi sa nasud ug ubang parte sa kalibutan.

Matud pa niini nga ang kakabus karon gibasol sa mga mipabor sa aborsyon nga maoy ugat sa tanan tungod kay giingong naghinobra na ang populasyon karon sa kalibutan kini bisan paman dunay mga nasud o dapit nga gamay ra kaayo ang populasyon.

Ang maong pamahayag gipaabot nga makaapekto unya sa baruganan sa ubang mga magbabalaod dinhi sa Pilipinas ilabi na niadtong mga mopasubli sa katungdanan o ba kaha niadtong motaak pa sa posisyon tungod kay usa sa labing init nga isyu karon mao ang gihulagway sa mga pro-life advocates nga mao ang Anti-Life Bill kon Reproductive Health Bill nga nag-ungot pa karon sa Kongreso.

“For this reason, there are international campaigns afoot to reduce birth-rates, sometimes using methods that respect neither the dignity of the woman, nor the right of parents to choose responsibly how many children to have,” matud pa sa Santo Papa sa report sa Lifenews.com.

Apan iyang giklaro nga kining mga pamaagiha (aborsyon) sa pagkatinuoray walay maayong gibunga karon sa kalibutan.

“The extermination of millions of unborn children, in the name of the fight against poverty, actually constitutes the destruction of the poorest of all human beings," dugang pa niini.

Siya nagkanayon nga niadtong 1981, 41 porsiyento sa populasyon sa kalibutan naa sa tumang kakabus, apan mimenus ang mga kabus og katunga karong mga panahona bisan paman sa pagdako sa populasyon sa mga labing apektadong mga nasud.

“This goes to show that resources to solve the problem of poverty do exist, even in the face of an increasing population,” pasabot pa niya ug midugang nga kadtong mga malambuong mga nasud maoy nag-una karon sa mga oportunidad, kini pagmatuod lang nga ang populasyon usa ka ‘asset’ ug dili ugat sa kakabus.

Ang Enero 1 maoy gideklarar nga World Day of Peace ug gipili sa Santo Papa ang temang ‘If You Want to Cultivate Peace, Protect Creation.’

Matud pa niya nga ang pagrespeto sa creation maoy nag-unang pundasyon nga gibuhat sa Ginoo ug ang pagpreserbar niini kinahanglan sa tawo.

“Respect for creation is of immense consequence, not least because “creation is the beginning and the foundation of all God’s works”,[1] and its preservation has now become essential for the pacific coexistence of mankind. Man’s inhumanity to man has given rise to numerous threats to peace and to authentic and integral human development – wars, international and regional conflicts, acts of terrorism, and violations of human rights. Yet no less troubling are the threats arising from the neglect – if not downright misuse – of the earth and the natural goods that God has given us. For this reason, it is imperative that mankind renew and strengthen ‘that covenant between human beings and the environment, which should mirror the creative love of God, from whom we come and towards whom we are journeying’,” maoy usa sa taas nga mensahe sa Santo Papa nga nakuha gikan sa website sa Vatican.

Gawas sa pagtahod sa kinabuhi, giawhag usab sa Santo Papa ang pag-amping sa kinaiyahan tungod kay sa umaabot nga panahon unya mag-antos niini ang katawhan, lakip sa giingong kawala nay pag-atiman sa kinaiyahan mao ang pagpamutol sa kahoy, basura, pagminus sa abot sa mga umahan ug uban pa.

Matud pa niya nga ang tanang nanghitabo karon sa kinaiyahan dili mahimong ipawalay bili sa tanan tungod kay kini konektado sa usa’g –usa nga moresulta sa ‘environmental refugees’ tungod sa pagkaguba sa ilang naandang pinuy-anan, pag-inilogay sa mga teritoryong dunay mga resources ug uban pa nga dunay dakong impact sa human rights, kinabuhi, pagkaon, panglawas ug kalamboan.  -  BANAT NEWS