Mga brgy kap kulang og interes sa disaster preparedness seminars

Nasagmuyo ang Executive Officer sa Cebu City Disaster Coordinating Council (CCDCC) Wiliam Miro sa gipakitang ka walay interes sa kadaghanan sa mga kapitan sa kabarangayan dinhi sa dakbayan may labot sa pagpangandam pagtubag sa mga motumaw nga katalagman.

Gipalanog kining maong komentaryo ni Miro atol sa pagsaulog karung bulana sa “National Consciousness Month”.

Gitumbok niya ang luya nga kooperasyon sa mga kapitan sa matag higayon nga mopatawag og seminars ingon man mopasiugda og mga pagbansay bansay ang dakbayan pagpangandam sa motumaw nga katalagman sama sa sunog, baha ug landslide og uban pa.

Kini tungod kay maihap lang ang mga kapitan nga motambong niini tungod kay halos kanunay kining walay mga oras ug panahon.

Sentro sa gitumbok ni Miro mao ang mga  sunog nga halos dunay mga barangay  makadaghan na nga maigo sa  sunog apan nagpabilin.

Usa sa gitumbok mao ang walay puas nga pagtukod og mga istruktura kilid sa dalan nga nakapalisod sa mga bombero nga makasulod.

Si Konsehal Arsenio Pacaña una nang nipasar og resolusyon nga nagmandu sa mga opisyal sa kabarangayan nga ipa-demolish ang mga illegal nga estraktura nga nakahasol sa kadalanan  aron masayon   pag-respondi sa kabomberohan kun dunay mga motumaw nga    sunog.