Shabu gipalusot diha sa Mandaue City Jail, nabisto

Mokabat sa 15 ka gramo nga shabu nasakmit sa mga jail guard sa Mandaue City Jail dihang gisulay unta kini sa pagpasulod sa selda piniriso nga si Junjun Cabrera.

Si Mandaue City Jail Warden Jose Moring ang trustee sa maong bilanggoan maoy misulay unta sa pagpasulod niini ug namatikdan kini sa mga jail nga gilangkuban nila ni J01 Efren Cardinas ug mga kauban.

Dugang pa ni Moring nga ilang gipatuman ang higpit nga pagbantay sa bilanggoan niining pagsaulog sa Semana Santa.

Nunot niini, ang mga dalaw nga mosulod sa maong bilanggoan ilang ipaubos sa higpit nga pagrikisa ug lakip na ang mga pagkaon nga dad-on sa sulod.

Si Moring miingon nga ang shabu nga ilang nasakmit ilang ipadala sa PNP Crime Laboratory aron sutaon kun high grade ba ang klase sa maong shabu nga ilang nasakmit.