Ate Glo mibukas sa Gullas hospital bldg kagahapon

Si Presidente Gloria Macapagal Arroyo maoy usa sa pinasidunggang dinapit kagahapon sa gipahigayong inugurasyon sa Gullas Medical Center Building sa Banilad dakbayan sa Mandaue.

Si Arroyo maoy miputol kagahapon sa laso ug si Arsobispo Cardinal Vidal ang mibendesiyon sa nahisgutang tambalanan.

Ang maong inugurasyon atol sa kasaulogan sa ika-117th adlaw'ng natawhan ni Don Vicente Gullas.

Ang Don Vicente Gullas Hospital adunay 8 mil ka mga estudyante sa nursing, medicine ug uban pang mga medical courses.

Lakip sa programa sa maong kalihukan ang paghatag og pasidungog nila ni Democrito Christian Jan Mendoza III ug Haidee Jaimee nga pulos top notcher sa nursing board.

Ang Don Vicente Gullas Hospital misuporta sa half- price medicine nga programa ni Arroyo.

Gibutyag ni Arroyo nga ang Gullas College of Nursing maoy usa sa gigikanan sa mga world-class nga nurses.

Kagahapon usab gitunol ni Arroyo ni Mandaue Mayor Thadeo Ouano ang 1,500 ka Philhealth cards alang sa mga kabus nga Mandauehanon.

Kauban ni Arroyo kagahapon sila si Gobernador Gwendolyn Garcia, Tourism Secretary Ace Durano, Department of Environment (DENR) Secretary Michael Defensor, Cerge Remonde, secretary of media government own entities, Jack Jakosalem konsehal sa Sugbo.

Si kanhi Kongresista Dodong Gullas maoy mipahigayon og welcome address ug si Kongresista Eduardo Gullas maoy mipaila sa presidente.

Sa laing bahin, usab gitataw ni Arroyo nga dili siya motambong sa Sinulog Festival karong Domingo tungod kay hatagan niya og higayon ang mga turista nga mobisita sa dakbayan nga moaccommodate sa mga hotel ug pension house.

Malagmit ang mga gustong mosimba magpanagana na unya kini og anha sa simbahan tungod sa mga security detail niya.