Hiyasmin (64)

UMALIS na si Hiyasmin. Nakatingin lang ang tatay at nanay ni Dax.

Maya-maya, lumabas sa kuwarto si Dax. Naka­bihis. Papasok sa opisina.

“Umalis na ang boarder mo, Dax,’’ sabi ng kanyang nanay.

“Maaga ang pasok nun.’’

“Ano bang kinukuhang course ni Hiyasmin?’’ tanong ng tatay.

“Mascom.’’

“Katulad ng course mo?”

“Opo.’’

“Anong year na ba siya?’’

“Fourth year na—graduating na siya.’’

“Ah.’’

“Kaya marami siyang activities sa school. Maagang pu­ma­pasok dahil nagre-research.’’

“Taga-saang probinsiya siya?’’ tanong ng nanay.

Nag-isip si Dax. Hindi niya napaghandaan ang tanong. Pero nakapag-isip siya.

“Taga-Laguna siya.’’

“Pero bakit dito siya sa bahay mo nag-board?’’

“Mas gusto rito dahil ma­lapit lang sa school niya.’’

“Pero mukhang mabait ang boader mo,’’ sabi ng nanay.

“Opo. Masipag pa.”

“At saka maganda—gan­dang-ganda ako!’’ sabi pa ng nanay.

Napangiti si Dax.

“Ligawan mo kaya, Dax.”

Nagtawa si Dax.

“E di nawalan ako ng boarder!’’ (Itutuloy)