Mayor, pinadalhan ng mga lalaki ng kadikit na personalidad

Tumawag daw ang isang male personality na kilala sa mundo niyang kinabibilangan sa isang mayor sa bandang Visayas.

Sabi ni male celeb sa mayor, may mga friend daw siyang pupunta sa probinsiya niya para mamasyal at enjoy ang lugar nila.

Palibhasa may impluwensiya ang male celeb, pinagbigyan ni mayor ang request niya na asikasuhin ang friends niya.

Pagdating ng friends ni male celeb, nawindang si mayor dahil ang mga dumating, male candidates para sa isang male pageant, huh! No choice si mayor kundi estimahin ang mga bisita ni male celeb dahil baka hindi rin siya mapagbigyan kung sakaling humiling siya para sa kanila!

Carla, tagos ang acting

Maganda na, magaling pa talagang umarte ni Carla Abellana. Hindi siya nagpatalbog sa co-stars niya sa GMA’s Widows’ War, huh!

Eh since day one naman, ipinakita na ni Carla ang potensiyal niya bilang artista. Kaya naman hindi siya nabakante sa series na siya ang bida, huh!

Damang-dama ang acting ni Carla at tagos sa puso ang bawat dayalog sa lahat ng eksena kahit sa teaser pa lang!