Susi sa mabagal na pagtanda

KUNG nais ninyong bumagal ang inyong pagtanda, o magmukhang “baby face” sa matagal na panahon, ang mga sumusunod na pagkain ay dapat ninyong isama sa inyong pang-araw-araw na diet.

Prutas at Gulay: Saging, pinya, papaya, buko, pakwan at citrus fruits (dalanghita, calamansi, pomelo, etc), avocado, strawberries at durian.

• Sa mga gulay: talong, okra, ampalaya, sitaw, kalabasa, kangkong, saluyot, sigarilyas, patola, talbos ng kamote, pechay at malunggay.

• Carrot, cauliflower, repolyo, broccoli, chicharo at letsugas. Ang nabanggit na mga gulay ay dapat na ibabad sa tubig ng 20 minuto bago lutuin upang matanggal ang pesticides na inisprey.

• Ang nuts at legumes kagaya ng mani, kasuy, butong kalabasa at butong pakwan. Ang whole grains kagaya ng kanin at mais. 

• Ang lahat na nabanggit na mga prutas at gulay ay may anti-oxidants na nagpoprotekta at nagkukumpuni ng skin cells.

Beans: Mayaman sa anthocyanin ang black beans at black soybeans. Ang soybeans naman ay mataas sa isoflavones na may anti-aging properties.

Tea/Red Wine: Ang anti-oxidant na catechins ay matatagpuan sa green tea, dark chocolate, at red wine.

Salmon: Kumain ng salmon at least, tatlong beses isang linggo. Mayroon itong omega 3 at mataas ang taglay na protina. Isama nang regular sa iyong diet. Hindi lang maganda sa balat, pati sa puso.

Water:Uminom ng 6 to 8 baso ng tubig araw-araw. Iwasan ang pag-inom ng inuming may caffeine. Ang sobrang caffeine ay nakakapagpatuyo ng balat.

Konklusyon: Sa kabuuan, ang pagkain ng masusustansiyang pagkain at pag-inom ng sapat na tubig ay nakatutulong upang mapanatiling malusog ang katawan at mapabagal ang pagtanda.