Pinakamahal na tupa sa buong mundo, naibenta ng kalahating milyong dolyar
ISANG tupa na nagngangalang Double Diamond ang naibenta sa Scotland ng kalahating milyong dolyar dahil sa magandang lahi nito mula sa kanyang diumano’y perpektong genes.
Isang Texel lamb si Double Diamond at karaniwang malaki ang bentahan para sa nasabing uri ng tupa dahil sa kanilang karne at balahibo na ginagamit sa pananahi.
Ngunit angat pa rin si Double Diamond sa kanyang mga kapwa Texel lambs dahil sa taglay raw nitong “perfect genes” kaya naman pinag-aagawan siya ng mga nagpapalaki ng tupa.
Nasa walong katao ang naglaban sa bidding para kay Double Diamond. Sa tindi ng naging bidding ay nagkampi ang tatlo sa mga ito upang maungusan nila ang iba pang nag-aasam sa tupa kaya naman lumobo sa kalahating milyong dolyar ang presyo ni Double Diamond. Iyon na ang pinakamalaking presyo para sa isang tupa.
Noong 2009, naibenta naman sa halagang $307,000 ang isa ring tupa.
- Latest
