P2.8 milyong ninakaw sa BARMM parliament member, nabawi

COTABATO CITY, Philippines — Kinumpirma nitong Sabado ni Cotabato City Police director Col. Joel Estaris ang pagkakabawi ng may P2.8 milyong cash at mga alahas ng abogadang si Sittie Fahanie Uyod, miyembro ng Bangsamoro Parliament, mula sa dalawa sa 9 na nanloob sa kanyang tahanan sa Brgy. Rosary Heights 6, apat na linggo na ang nakalipas.

Unang naiulat na ‘di bababa sa P15 mil­yong cash at alahas ang natangay ng grupo ng mga sumukong robbery suspects na sina Bandar Karon at Rodz Musa, na mga kasambahay ni Oyod.

Lumalabas na pinamunuan diumano ni Army Cpl. Saddam Mustapha, kasapi ng isang unit ng 6th Infantry Division at nakatalang security escort ni Oyod, ang panloloob sa bahay ng huli habang sila ng kanyang asawa ay nasa Metro Manila.