Welder nakuryente habang nagwewelding
DASMARIÑAS CITY, Cavite, Philippines — Isang 36-anyos na welder ang nasawi matapos magtamo ng matitinding sunog sa katawan nang ito ay makuryente habang nagwewelding at nahulog mula sa kinatatayuang scaffolding sa may Wilcon Depot Brgy. Paliparan 1,ng lungsod na ito.
Ang nasawi ay kinilalang si Albert Buscas,may asawa,residente ng Brgy. Paliparan 1.
Sa imbestigasyon ng pulisya,alas-12:00 ng tanghali ay tinatapos na lang ng biktima ang pagwewelding habang ito ay nakatuntong sa ibabaw ng scaffolding sa may Wilcon Depot.
Tinawag pa umano ito ang isang kasamahan na upang magpatulong na hawakan ang dulo ng bakal upang hindi malaglag .
Nang isinasagawa na ang pagwewelding ay bigla umanong may pumutok sa kuryente na ginagamit nito at tuluyang nakuryente ang biktima.
Nakabitiw lamang ito nang malaglag sa scaffolding.
- Latest
