Water district officials kinasuhan
ANGELES CITY, Philippines – Pormal na sinampahan ng kaso ni City Mayor Carmelo “Pogi” Lazatin Jr. ang mga opisyales ng Angeles City Water District sa tanggapan ng Deputy Ombudsman nitong Martes ng umaga.
Sa report, ang mga kinasuhan dahil sa paglabag sa Section 3 ng Republic Act 3019 o Anti-Graft and Corruption Practices Act ay sina Engr. Reynaldo Liwanag, general ma-nager; Bernardo Cruz, chairman of the board of director; Fidelio Sibug, Gracela Munoz, Deogracias Sambilay III, Hernando Angeles, mga directors ng Angeles City Water District, ang sub-contractor na A.M Gatbonton Corporation; Andres M. Gatbonton pangulo at Aleth Cruz.
Matatandaan na nitong Setyembre, pansamantalang ipinatigil ang operasyon ng AM Gatbonton Drilling Corporation na sub-contractor ng Angeles City Water District sa Brgy. Cuayan at Brgy. Sto. Domingo matapos na ireklamo ng mga residente sa Brgy. Cuayan dahil sa masangsang na amoy at kulay kalawang ang lumalabas sa kanilang mga gripo.
Dahil dito, ininspeksiyon ng mga taga City Hall ang lugar at natuklasan ang mga paglabag ng AM Gatbonton tulad ng walang maipakitang mga business permit, National Resources Water Board permit to operate, Environmental Compliance buhat sa Department of Environment and Natural Resources (DENR), ‘di pagbabayad ng buwis at iba pang kaukulang dokumento.
- Latest
