5 Vietnamese tiklo sa P15.4-M ‘endangered trees’
MANILA, Philippines — Umiskor ang pulisya kasunod ng pagkakaaresto sa limang Vietnamese nationals habang nakumpiska rin ang bulto ng “endangered tree species” na Agarwood na umaabot sa halagang P15.4 milyon sa magkahiwalay na operasyon sa Butuan City, Agusan del Norte nitong Huwebes ng gabi at Biyernes ng madaling-araw.
Sa ulat ni Caraga Police Chief P/Brig. Gen. Gilberto DC Cruz, dakong alas- 11:30 ng gabi nitong Huwebes nang unang maaresto ang mga Vietnamese na sina Nguyên Thi Chung, 40-anyos; Diêl Thi Bích Hòa, 45; at V? Vãn Trang, 34, sa isang operasyon sa Grand Palace Hotel sa lungsod. Sila ay nakumpiskahan ng 2 kilo ng Agarwood at P1,874,650 cash.
Sa follow-up operation, nasakote naman noong Biyernes ng alas-5 ng madaling-araw ang mga kasamahan ng tatlo na sina Tu Quoc Vu, 35, at To Tien Phat, 22, sa Butuan City Airport. Nakumpiska rin sa kanila ang 20 kilo ng Agarwood o mas kilala bilang “lapnisan” na nagkakahalaga ng P4 milyon.
“The 22 kilograms of confiscated Agarwood has an estimated value of P15,400,000. We will make sure that violators will be facing charges for violation of Section 68 of Presidential Decree 705 as amended by Executive Order No. 277,” pahayag ni Cruz.
- Latest
