Online seller, holdaper pala
Cavite , Philippines — Isa ang patay habang dalawa pa ang sugatan matapos pagbabarilin ng katransaksyon nilang holdaper umano na nagpanggap na nagbebenta ng motorsiklo kamakalawa ng gabi sa Gen. Trias City, Cavite.
Sa inisyal na ulat ng pulisya, dakong 8:45 ng gabi nang maganap sa Cyber Ville Subdivision, Brgy. San Francisco ng nasabing lungsod ang insidente.
Nabatid na pumunta ang mga biktimang sina Jerico Oakferina, Arthur Emelo at Amiel Emelo sa nasabing subdivision dahil doon sila magkikita ng suspek na pagbibilhan nila ng motorsiklo na nakilala nila sa internet.
Pero pagkakita sa suspek ay agad itong nagdeklara ng holdap at binaril sa ulo si Emelo na nakaupo lang sa owner type jeep at binaril din ang dalawang iba pa na bahagya lang nadaplisan kaya nakatakbo at nakatakas sa suspek.
Dead on the spot si Emelo habang mabilis na tumakas ang suspek na hinahanting na ngayon ng mga awtoridad.
- Latest
