Shootout: Most wanted tumba

STA. ROSA CITY, Laguna, Philippines - Napaslang ang sinasabing notoryos na most wanted person matapos makipagbarilan sa mga operatiba ng pulis-Cabuyao at Sta. Rosa sa Barangay Macabling sa Sta. Rosa City, Laguna kamakalawa. Kinilala ng napaslang na si Luminado de Mejer, aka “Bo­ying” na may mga kasong frustrated murder at illegal drug possession at nasa listahan ng pulisya bilang ika-3 most wanted person. Nabatid na sinalakay ng mga operatiba ng pulisya ang pinagkukutaan ni Mejer kung saan nasakote naman ito subalit nagpumilit na tumakas at nakipagbarilan kaya nauwi sa shootout.