2 holdaper sa bus arestado

BULACAN, Philippines  – Kalaboso ang dalawang notoryus na holdaper na nambiktima ng pasahero sa bus matapos masakote ng pulisya sa inilatag na operasyon sa Barangay San Jose Patag sa bayan ng Sta. Maria, Bulacan kamakalawa ng gabi. Pormal na kinasuhan ang mga suspek na sina Godie Moneda, 34, miyembro ng Bahala na Gang, ng Brgy.Camangyanan; at Ronaldo Araneta, 25, ng Villarica Subd., Brgy.Poblacion, Sta. Maria. Base sa imbestigasyon ni P/Supt.Lailene Amparo, nasakote ang mga suspek matapos magreklamo ang biktimang so Rosanno Asul Camposano na sinasabing hinoldap sa pampasaherong bus. Nabatid na si Moneda ay kakalaya pa lamang mula sa Quezon City jail noong Disyembre 2011 sa kasong robbery/holdup.